A concelleira de Medio Ambiente, Esther Fontán, acudiu esta mañá á Dársena da Mariña para interesarse polos traballos de limpeza dos fondos mariños organizada polo Festival Mar de Mares e promovida pola empresa de mergullo Nauga Buceo na que colabora o Concello, Bombeiros e Protección Civil
A concelleira de Medio Ambiente, Esther Fontán, acudiu esta mañá á Dársena da Mariña para seguir os traballos de limpeza dos fondos mariños que organiza o Festival Mar de Mares nos que colabora o Concello a través da Concellería de Medio Ambiente, encargada da xestión dos residuos atopados no mar e da instalación dun punto limpo na dársena, Bombeiros
e Protección Civil.
Esther Fontán quixo desta maneira apoiar unha iniciativa que cualificou de “fundamental” para concienciar aos cidadáns da necesidade de coidar os nosos océanos. “Espero que actuacións como esta sirvan para que a xente convénzanse de que o mar non é un vertedoiro, que é vida”, dixo a concelleira, quen a
continuación detallou a lista de obxectos recollidos: latas, rodas, cadeiras, valos..
Dixo que iniciativas como esta serven para sacar á luz unha realidade: “Que os nosos océanos están a converterse xa nunha entulleira e é que en zonas de tránsito
e actividade humana os mares xa están cheos de lixo”.
E invitó á cidadanía a reflexionar sobre o estado dos mares: “Seguro que non nos bañaríamos nas nosas piscinas ou nas nosas bañeiras se tivesen o lixo que atopamos hoxe aquí”.
A concelleira comprometeuse a que esta actuación teña continuidade, pola gran importancia que ten no aspecto divulgativo e educativo, e convidou a responsables dos municipios costeiros a que leven a cabo iniciativas como esta para espertar a
conciencia social.
A concelleira quixo agradecer o traballo levado a cabo polos mergulladores de Nauga Buceo, Bombeiros da Coruña, Protección Civil e Cruz Vermella que de maneira voluntaria están a traballar no ámbito da protección do medio ambiente.
